УИХ-ын ээлжит бус чуулганы нэгдсэн хуралдаан өнөөдөр 10.00 цагт эхэлж, хоёр асуудал хэлэлцэхээр төлөвлөжээ. Хэлэлцэх асуудлын жагсаалтад Үндсэн хуулийн цэцийн 2019 оны 03 дугаар дүгнэлт багтжээ. Уг дүгнэлтэд Ашигт малтмалын тухай хуулийн 47 дугаар зүйлийн заалт Үндсэн хууль зөрчсөн хэмээн үзсэн байна.
Мөн Ерөнхийлөгч Х.Баттулга чуулганы хуралдаанд оролцож, Монгол Улсын Үндсэн хуульд оруулах нэмэлт, өөрчлөлтийн төслийн талаарх саналаа танилцуулна. Ерөнхийлөгч Х.Баттулга энэ сарын 02-ны өдөр УИХ-ын дарга Г.Занданшатарт илгээсэн албан бичигтээ, "Үндсэн хуульд оруулах нэмэлт, өөрчлөлтийн хоёрдугаар хэлэлцүүлгийг баяр наадмын өмнө яаран сандран хэлэлцэх бус наадмын дараа нухацтайгаар хэлэлцэх шаардлагатай байна. Миний бие Үндсэн хуулийн нэмэлт, өөрчлөлтийг хэлэлцэх чуулганд биечлэн оролцож, саналаа тусгайлан илэрхийлэх болно" гэсэн юм.
