УИХ-ын чуулганы үйл ажиллагаа баасан гаригт эхэлнэ. Өнгөрөгч мягмар гаригт (2019.06.18) УИХ-ын нэгдсэн чуулганаар Үндсэн хуульд нэмэлт өөрчлөлт оруулах тухай хуулийн төслийг хэлцэн дэмжсэний дараа чуулган түр завсарлаж, гишүүд хуулийн төслийг иргэдэд танилцуулж, саналыг нь сонсохоор болсон билээ.

Хуваарийн дагуу УИХ-ын үйл ажиллагаа энэ сарын 27-ны өдөр ажлын хэсэг, намын бүлгийн хуралдаанаар эхэлнэ. Хаврын чуулган хаахаас өмнө буюу долдугаар сарын 5-ны дотор төслийн хоёрдугаар хэлэлцүүлгийг хийж, Үндсэн хуулийн нэмэлт өөрчлөлтийн төслөөр ард нийтийн санал асуулга явуулах эсэхийг шийдвэрлэнэ. Хэрэв УИХ-ын гишүүдийн 2/3 нь ард нийтийн санал асуулга явуулах нь зүйтэй гэж үзвэл хаврын чуулганы хугацааг сунгах юм байна.