Ерөнхий сайд асан М.Энхсайханыг өчигдөр шөнө АТГ-аас Тавантолгойн ордыг ашиглах Хөрөнгө оруулалтын гэрээг боловсруулах явцад бусдад хууль бус давуу байдал олгосон байж болзошгүй хэрэгт холбогдуулан шалгаж, баривчилсан юм.

Тэгвэл өнөөдөр түүнийг үргэлжлүүлэн хорих эсэхийг Сүхбаатар дүүргийн Эрүүгийн хэргийн анхан шатны шүүхэд шийдвэрлэлээ.

Шүүхээс Авлигатай тэмцэх газрын Мөрдөн шалгах хэлтсээс М.Энхсайханыг шүүхийн зөвшөөрөлгүй баривчилсан нь Үндсэн хууль болон Эрүүгийн хэрэг хянан шийдвэрлэх тухай хуулийг зөрчсөн гэж үзэн мөрдөгчийн тогтоолыг хүчингүй болгож шийдвэрлэсэн байна. 

Ийнхүү Ерөнхий сайд асан М.Энхсайханыг Урьдчилан хорих 461 дүгээр ангиас суллалаа.