Ерөнхий сайд асан С.Баяр, Ч.Сайханбилэг болон Сангийн сайд асан С.Баярцогт нарыг Оюутолгойн хөрөнгө оруулалтын гэрээг үзэглэхдээ эрх мэдэл, албан тушаалын байдлаа урвуулан ашиглаж, бусдад давуу эрх олгосон байж болзошгүй гэх үндэслэлээр яллагдагчаар татан шалгасан билээ.
Харин өнгөрсөн сард АТГ-ын Мөрдөн шалгах хэлтсийн дарга Э.Идэрцог дээрх хэргийн мөрдөн шалгах ажиллагааны талаар "Оюутолгойн хөрөнгө оруулалтын гэрээтэй холбоотой хэргийн мөрдөн шалгах ажиллагаа дуусах шатандаа орсон” хэмээн мэдээлж байсан. Уг хэргийн мөрдөн шалгах ажиллагаа дуусч, хэргийг шүүхэд шилжүүлсэн тухай УЕП-ын газраас мэдээллээ.
