Хамид Карзайн нэрэмжит олон улсын нисэх онгоцны буудлын гадна амиа золиосолсон томоохон халдлага үйлдэгдсний улмаас Афганистаны олон энгийн иргэд, Америкийн 12 цэргийн албан хаагч амь үрэгдлээ.
АНУ-ийн Афганистантай холбосон 20 жилийн түүхэнд энэ дэлбэрэлт хамгийн их гарз хохирол учруулсан тохиолдол болов. Тэсрэх бөмбөгийг нисэх онгоцны буудлын хаалган хавьцаа байрлаж байсан гэр бүлүүдийн ойролцоо тавьсан байжээ.
Ерөнхийлөгч Байден Цагаан ордонд хэлсэн үгэндээ "Бид уурлаж, зүрх маань эмтэрч байна. Үүнийг мэд. Бид уучлахгүй, мартахгүй. Бид хэн хийснийг нь агнаж, тэднээр төлбөр төлүүлэх болно. Би өөрийн тушаалаар чадах бүх арга хэмжээг авах замаар өөрсдийн ашиг сонирхол, ард түмнээ хамгаалах болно" гэжээ.
Халдлага болохын өмнөх шөнө АНУ-ын өндөр албан тушаалтнууд нисэх онгоцны буудалд "Исламын улс" бүлэглэлийн харьяалал бүхий "тодорхой", "найдвартай" аюул заналхийллийн талаар сэрэмжлүүлэг өгч, барууны засгийн газруудыг хүмүүсээ тус бүс нутгаас гарахыг уриалсан байна.
Талибанчуудыг уг халдлагад буруутгаж байгаа юм.
Б.Бүжлхамаа
