Фото David McNew / Getty Images
Америкийн Калифорни мужийн ойн түймэр дарагдалгүй улам тэлсээр Холливудыгн толгодод хүрлээ. АНУ-ын Ерөнхийлөгч Жо Байден мужид гамшгийн онцгой дэглэм тогтоов. Хохиролын урдчилсан тооцоо $57 тэрбум болов.
Калифорнийн энэ ойн түймрийг эдийн засгийн болон устгагдсан байр сууцын тоогоор мужийн түүхэнд хамгийн том гамшиг гэж үзлээ. AccuWeather дүгнэн тоолсноор галын хохирлын хэмжээ $52–57 тэрбум болоод байна.
Сүүлийн мэдээгээр, гал бараг 11 мянган га талбайг эзэлсэн ба амь үрэгдэгчдийн тоо арав орчим болов. Наад захдаа мянга орчим барилга байгууламж шатжээ. Гэр орноо орхин дүрвэх анхааруулгыг 130 мянган хүн аваад байна. Гал Холливудын алдрын модот гудамж, Оскарын жил тутмын шагналыг гардуулдаг Dolby Theater зэргийн соёл урлагийн түүхэн газруудад аюул учруулахаар болж байна. Оскарын шагналын нэр дэвшигчдийг зарлах арга хэмжээг хоёр хоногоор хойшлуулжээ.
АНУ-ын ерөнхийлөгч Жо Байден Калифорнид өргөн цар хүрээтэй гамшгийн онцгой дэглэм тогтоов. Тэр Италид хийх айлчлалаа хойшлуулжээ. Гэлээ гэсэн түүнийг Дональд Трамп шүүмжлэн ажилгүй, чадваргүй гэжээ. “Даатгалын компаниудад энэ сүйрлийг төлөх мөнгө байгаа гэдэгт эргэлзээтэй” хэмээн тэр хэлээд дээр нь Калифорнийн захирагч Гэвин Ньюсомыг огцрохыг шаардлаа.
Шатан дүрэлзэж байгаа Калифорнийн кадрууд Forbesийн гэрэл зургийн сурвалжлагад
Пасифик Палисейдс район дахь Уилл Рожерсийн наранд шарлагын газраас холгүй орших Pacific Coast Highway шоссейн ойролцоо шатаж буй байшингууд
Jeff Gritchen·Orange County Register via Getty Images
Лос-Анжелесын Сансет модот гудамж
Apu Gomes·Getty Images
Пасифик-Палисейдс районд ус асгаж байгаа нисдэг тэрэг
Brian van der Brug·Los Angeles Times via Getty Images
Орон гэргүй эмэгтэй
Wally Skalij·Los Angeles Times via Getty Images
Лос-Анжелесийн Пасифик Палисейдс бүрэн шатжээ
Eric Thayer·Getty Images
Хүчтэй салхи, мөн ус хураах байгууламжууд хоосон байгаа нь байдлыг улам хүндрүүлэв
Qian Weizhong·VCG via Getty Images
Калифорнийн галын албаны тэргүүн Энтони Марроне хэлснээр гал сөнөөгчдийн нөөц нь дөрөв биш, хоёр хүчтэй түймэртэй тэмцэх хүчин чадалтай байжээ
Apu Gomes·Getty Images
Хэдэн арван мянган хүмүүсийг заавал нүүлгэх хэрэг гарлаа
David Crane·Los Angeles Daily News via Getty Images
Байдены тогтоосон онцгой дэглэмийн буянаар нутгийн хүмүүс түр суух байр, байшин барилгаа засаж босгох, даатгалын нөхөж чадахгүй байгаа бага хүүтэй зээл авах боломжтой болжээ
Apu Gomes·Getty Images
Мөн хохирогчдын бизнесийг сэргээх холбооны тусламжийг гаргана
Mario Tama·Getty Images
Пасифик Палисейдс дэх америкийн жүжигчид Лейтон Мистер, Адам Броди (зурагт) нарын гэр орон бүрэн шатжээ. Пэрис Хилтоны зуны байр, жүжигчид Энтони Хопкинс, Билли Кристал, Жеймс Вудс, Жон Гудман, Южин Леви нарын олон хүний сууц бас галд үгүй болов.
Пасифик Палисейдс нь хотын элитийн район ба тэнд Рианна, Том Хэнкс (азаар байр нь бүтэн үлдэв), Бен Аффлек, Женнифер Энистон, Брэдли Купер, Гвинет Пэлтроу нар мөн экс дэд ерөнхийлөгч Камала Харрис амьдардаг.
Дроноос авсан Пасифик Палисейдс районы зураг. Бүхэл бүтэн район үгүй болжээ
М.ЦОГТ
