УИХ-ын гишүүн О.Баасанхүү УИХ дахь АН-ын зөвлөлтэй хамтран ажиллахаар боллоо. Тэрээр өнөөдөр Ардчилсан намын бүлэгт нэгдэж хамтран ажиллах тухай хүсэлтээ хүргүүлэх гэнэ. Энэ тухайгаа тэрээр өөрийн твиттер хуудаснаа "Үндсэн хуулийн өөрчлөлт батлах гэж байгаа энэ үед сөрөг хүчин нэгдсэн байр суурьтай байх ёстой" хэмээн тайлбарлан бичжээ.

О.Баасанхүү гишүүн хүсэлтээ хуульд заасны дагуу УИХ-ын дарга Г.Занданшатар танилцуулж баталгаажуулах юм. Ингэснээр Ардчилсан нам албан ёсоор УИХ-д бүлэгтэй болох нөхцөл бүрдэж байна.

УИХ-ын гишүүн О.Баасанхүү 2016 оны сонгуульд МАХН-аас Орхон аймгаас нэр дэвшин сонгогдсон билээ.