Олон улсын Найрамдал зуслангийн 2024 оны зуны ээлжийн хуваарь гарчээ. Мөн зусланд ирэхдээ юуг анхаарах талаар дараах зөвлөмжийг өгч байна.
Автобусны аюулгүй байдлын дүрэм юу вэ?
Суудлын бүсийг заавал зүүх Автобус хөдлөх үед босохгүй байх Автобусанд юм идэх хориотой Суудал дээрээс эргэж харах, босож зогсох, үсрэхгүй байх Бүлгийн удирдагчийн заавар зөвлөгөөг биелүүлэх
Хоцорсон үед яах вэ?
Ээлжийн цуваанаас хоцорсон тохиолдолд эцэг эхчүүд болон асран хамгаалагч нь цогцолборын байранд хүргэж өгөх асуудлыг бүрэн хариуцна. Амрагч хүүхдийн овог нэр, нас, хүйс, холбоо барих дугаар, цогцолборт ирэх цаг зэргийг тухайн өдрийн 12.00 цагаас өмнө 75056010 дугаарын (Амралтын төв байр)-тай холбогдон тэмдэглүүлнэ. Заасан хугацаанд дээрх мэдээллийг ирүүлээгүй тохиолдолд бүлэг хуваарилалтаас хоцрох тул хариуцлагатай хандахыг хүсэж байна.
Эргэлт хийх бол яах вэ?
Зуслан нь хүүхдийн бие даах чадвар нэмэгдүүлэх зорилготой орчин учраас “ЭРГЭЛТ” үйл ажиллагааг зохион байгуулахгүйг анхаарна уу.
Бүлгийн мэдээлэл хэрхэн авах вэ?
Та хүүхдээ аль бүлэгт орсон, бүлгийн удирдагчтай холбогдох тохиолдолд тухайн ээлж эхэлсэн өдрийн 14,00 цагаас хойш 75056010 дугаарт (Амралтын төв байр) холбогдон хүүхдийнхээ овог, нэр, сургуулийг хэлж ямар бүлэгт хуваарилагдсаныг мэдэж болно.
