Цахим төхөөрөмж Орост зөөгдөж байсан логистик гинжин урсгал бараг л устжээ. Гажетууд  эхлээд Европт тэндээс Орост орж ирж байсан юм. Хил хаагдаж, агаарын тээвэр хаагдсанаас  тэдний дистрибуци бараг нэмэргүй болж.

Үүний улмаас iPhone  зэргийн  бусад Apple гаджетууд худалдаалагдах ба нийлүүлэгдэх аргагүй болов.

“Apple Орост ажиллахгүй гэсэндээ биш харин Оросын бусад орнуудтай холбогдсон логистик  сувгуудыг хааж байгаа худалдааны дайн өрнөж эхэлсэнд хамаг хэрэг байгаа” хэмээн Mobile Research Group-ын ерөнхий шинжээч Эльдар Муртазин хэлжээ.

Европоос онгоц нисэхгүй болсноор, Apple зэргийн бусад үйлдвэрлэгчид цахим төхөөрөмжийг худалдан авагчдад хүргэж чадахгүйд хүрэв. Шинжээчийн хэлснээр логистик гинжийг ирэх есдүгээр сараас өмнө сэргээж чадахгүй гэнэ.

Тэр болтол хэсэгчилсэн нийлүүлэлт л байж болох юм.

Apple цахим төхөөрөмжөө худалдахад хоёр дахь том саад нь рублийн ханшны том савчилт. Ийм хэлбэлзэл нь тогтвортой үнэ тогтоох боломжгүй болгож буйг шинжээч онцолжээ. Харин тэр Apple Оросын зах зээлээс бүрэмсэн явсан ч хэрэглэгчид төхөөрөмжгүй үлдэхгүйг хэллээ.

Төхөөрөмжүүд дэлгүүрт хүртэл тавигдана. Харин нийлүүлэлт нь “саарал” схемээр явагдах ба тухайлбал, Азиар дамжин нэвтрэх боломжтойг шинжээч хэлжээ.

М.ЦОГТ