ОХУ-ын батлан хамгаалах яам өчигдөр Украинд амь үрэгдсэн болон шархадсан цэргийнхээ тоог мэдээлжээ. Энэ нь анхны мэдэгдэл юм байна.
Өнгөрсөн хугацаанд тус улсын зэвсэгт хүчний 498 цэрэг амь үрэгдэж, 1600 орчим цэрэг шархадсан гэж мэдээллээ.
Мөн ОХУ-ын батлан хамгаалах яамнаас Украины арми болон үндсэрхэг үзэлтнүүдийн зэвсэгт бүлэглэлээс нийтдээ 2870 хүн алагдаж, 3700 орчим хүн шархадсан ба 572 цэрэг олзлогдсон гэж мэдээлэв.
Дашрамд, ОХУ-ын талын мэдээлсэн тоо Украины албаныхны зарлаж буй тоо баримтаас эрс зөрж байгаа. Украинд халдан довтолсноос хойш Оросын армийн 5800 гаруй алба хаагч амь үрэгдсэн гэж Киевийн засгийн газар мэдээлсэн юм.
Украины дайн найм дахь хоногтоо үргэлжилж байна.
