Казахын эрх баригчид эсэргүүцэгчдийн шаардлагаар байгалийн хийн үнийг буулгасан ч Казахстанд эсэргүүцэл зогссонгүй. Бүс нутгаас гадна саяас давсан хүн амтай хотууд  эсэргүүцэлд автаж байна.

Казахстаны хуучин нийслэл Алматы эсэргүүцэл хүчтэй явагдаж тэнд цагдаа нар захиргааны байрыг хамгаалалтдаа авсан жагсагчдын эсрэг гэрэл, дуут гар бөмбөг, нулимс асгаруулах хий хэрэглэж, гудамжинд хэдэн мянган хүмүүс цагдаагийн машиныг шатааж байна.

Нийслэл Нур-Султан хотод жагсагчдыг нулимс асгаруулах хийгээр хөөн тарааж байна.

Шахмал хийн үнийг нэмэгдүүлсний эсрэг жагсаал Нэгдүгээр сарын 2-нд Жанаозен хотод анх эхэлсэн байна. Эсэргүүцлийн жагсаал нь байгалийн шахмал хийн нэг литрийн үнийг 60 тенге байсныг 120 тенге болгон нэмэгдүүлснийг эсэргүүцэж байв. Үүнээс хоёр хоногийн дараа хийн үнийг нэмэгдүүлснийг эсэргүүцсэн жагсаал цуглаан бусад хот сууринд гарч эхлэв. Үнэ нэмэгдүүлсний эсрэг жагсаал сүүлдээ улс төрийн утга агуулгатай болон засгийн газрыг огцрохыг шаардаж эхлэв. Эцэст нь эрх баригчид жагсагчдын шаардлагаар нэг литр хийн үнийг 50 тенге болгохыг зөвшөөрсөн ч эсэргүүцэл зогссонгүй. Ингээд Ерөнхийлөгч Кэсым-Жомар Токаев жагсагчдад хандан “эвдлэн сүйтгэгч нарын уриалгад автахгүй, гадаад дотоодыг өдөөн хатгалтад өртөхгүй байхыг” уриалав. Мөн тэрээр эсэргүүцэгчдийн “хууль ёсны шаадлага тус бүрийг нягтлан авч үзнэ” гэж тэр амлав.

Үүний дараа Ерөнхийлөгч Алматы болон Мангистаус мужид онц байдал тогтоолоо. Дээр нь Казахстаны удирдагад  өөрчлөлт оруулан тус орны төрийн нарийн бичгийн даргаас Крымбек Кушербаевыг чөлөөлөн өөрийн туслах Карин Ерлан Тынымбайулыг томилж, Казахстаны Үндэсний аюулгүй байдлын даргыг солив.

Ерөнхийлөгч Засгийн газрыг огцруулсан тогтоолд гарын үсэг зуржээ.

Алматы хотын эсэргүүцлийн гэрэл зургийн сурвалжлагыг доороос үзнэ үү.

М.Цогт