ОХУ-ын Ерөнхийлөгч Владимир Путин Зүүн Европт цэргийн хурцадмал байдал үүсээд байгаа барууныхныг хатуу шүүмжилж, "дайн, дайн, дайн" гэж ярихад "Москва буруугүй, учир нь Оросын түүхэн газар нутгийг л хамгаалж байна" гэж мэдэгджээ.

Тэрээр жилийн эцсийн хэвлэлийн бага хурал дээр Байдены засаг захиргаа Нэгдүгээр сараас эхлэн Москвагийн аюулгүй байдлын асуудлаар хэлэлцээ хийхээр тохиролцсоныг эерэг дохио гэж нэрлээд, хурцадмал байдлыг төдийлөн хурцатгасангүй гэж мэдэгдэв. Гэхдээ Орос улс тавьсан шаардлагын хариундаа адгаж байна гэж мэдэгдсэн юм. 

Тэрээр "АНУ манай байшингийн босгон дээр пуужингуудтайгаа ирсэн. Надаас баталгаа шаардаж байна, гэхдээ та бидэнд баталгаа өгөх ёстой. Нэн даруй. Яг одоо" гэлээ.

Өнгөрсөн долоо хоногт Оросын дипломатууд Зүүн Европын орнуудад тавьж буй шаардлагууд, тэр дундаа НАТО зүүн тийш тэлэхгүй байх тухай бичгээр хоёр ч удаа ультиматум (эцсийн санал) тавьжээ. Саналууд нь нөлөөллийн хүрээнд Европт хүйтэн дайны үеийн аюулгүй байдлын зохицуулалтыг бий болгохыг санал болгосон байна.

Үүнтэй холбоотой Пентагон Украиныг байлдааны талбарт тагнуулын мэдээллээр хангах төлөвлөгөө дээр ажиллаж байгаа бөгөөд энэ нь тус улсад Оросын болзошгүй түрэмгийллийн эсрэг илүү хурдан хариу арга хэмжээ авахад тусална гэж АНУ-ын өндөр албан тушаалтнууд мэдэгдэв.

Б.Бүжлхамаа

www.nytimes.com