Украины генералууд хэрвээ Орос түрэмгийлвэл барууны орнуудын цэргийн тусламж хэрэгтэй болно гэж мэдэгджээ.

Оросын арми болон Кремлийн дэмжлэгтэй салан тусгаарлагчидтай тулалдаж буй фронтын ангиудад шинэ танк, хуягт машин, хөлөг онгоцуудыг нийлүүлэв. Гэхдээ энэ нь Украин болон барууны албаныхны Москваг бэлтгэж байна гэж эмээж буй Оросын дайралтыг няцаахад хангалтгүй юм.

Тагнуулын албадын үзэж байгаагаар Кремль үүнийг хийх эсэхээ шийдсэн гэсэн шинж тэмдэг байхгүй байгаа аж.

ОХУ-ын Ерөнхийлөгч Владимир Путин мягмар гаригт Ерөнхийлөгч Байдентай видео дуудлага хийх үеэрээ хил дээр цэргийн хүч нэмэгдүүлсэнтэй холбоотой санаа зовнилоог үгүйсгэж, Украиныг дэмжсэн АНУ болон НАТО-г буруутгасан юм. Байден ОХУ-ыг зогсоохын тулд АНУ-ын цэргийн хүчийг Украин руу илгээхийг үгүйсгэв. Тэрээр пүрэв гаригт Украины Ерөнхийлөгчтэй утсаар ярьжээ.

АНУ-ын тагнуулын албаныхан Орос 175 мянган цэрэг оролцуулах довтолгооны төлөвлөгөөг боловсруулсан болохыг олж тогтоосон байна. Украин арми илүү цэрэгтэй, газар, далай, агаарт буудах чадвартай.

Улс төрийн динамикийн хувьд НАТО Украиныг 2008 онд бүрэн гишүүнээр элсүүлнэ гэж амласан боловч хэзээ, хэрхэн яаж гэдгийг тайлбарлаагүй. Путин энэ амлалтыг Орост заналхийлж байна гэж үздэг аж.

Б.Бүжлхамаа

www.nytimes.com