Суданы Ерөнхий сайд Абдалла Хамдок цэргийн эргэлтээр огцорсноос хойш дөрвөн долоо хоногийн дараа буюу ням гаригт засгийн эрхэнд эргэн ирлээ.
Түүнийг баривчлан, саатуулсан армийн генералын хажууд ёслол дээр гарч ирээд ардчилсан сонгууль болох хүртэл 3-4 жилийн шилжилтийн хугацаанд Суданыг удирдах зорилготой эрх мэдлийг хуваах зохицуулалтаар түүнийг Ерөнхий сайдаар эргүүлэн томилох гэрээнд гарын үсэг зуран байна.
Гэсэн хэдий ч гэрээний нөхцөл нь тодорхойгүй байсан бөгөөд ерөнхий прокурорыг хэн томилох зэрэг маргаантай зарим гол асуудлууд эцэслэн шийдэгдээгүй байгааг хэлжээ.
Хамдокийг эргүүлэн томилохыг уриалсан эсэргүүцэгчид гэрээнд сэтгэл хангалуун бус байсан бөгөөд ёслолын ажиллагаанд цугларсан зарим хүмүүс түүнийг зэвүүцдэг байсан цэргийнхэнтэй буулт хийсэнд эгдүүцсэн бололтой.
Суданы аюулгүй байдлын хүчнийхэн Суданы томоохон хотуудыг хамарсан төрийн эргэлтийн эсрэг жагсаалыг дарсны улмаас сүүлийн долоо хоногт 41 жагсагч амь үрэгдэж, олон зуун хүн шархадсан байна.
Агуулгын хувьд Суданд гучин жилийн турш дарангуйлагч байсан, 2000-аад онд баруун Дарфурын бүс нутагт үйлдсэн харгислалын хэргээр дайны гэмт хэрэгт буруутгагдаж байсан Омар Хассан аль-Баширыг огцруулсны дараа эрх мэдлийг хуваах гэрээг анх 2019 онд байгуулж байжээ.
Б.Бүжлхамаа
www.nytimes.com
