Дэлхийн хамгийн том эдийн засагтай орнууд цэвэр эрчим хүч рүү шилжихийн хэрээр батерейнд шаардлагатай эрдэс бодис, металлууд газрын тосыг орлох эрчим хүчний ноёрхлын төлөөх уралдааны бай болж байна.
Кобальт бол эдгээрээс хамгийн чухал материалын нэг бөгөөд дэлхийн нийлүүлэлтийн гуравны хоёроос илүүг Бүгд Найрамдах Ардчилсан Конго Улсаас авдаг байна. АНУ Конго дахь олон арван жилийн дипломат болон санхүүгийн хөрөнгө оруулалтаа хамгаалж чадаагүйгээс хойш Хятадын төрийн дэмжлэгтэй бизнесүүд дэлхийн хамгийн том нийлүүлэлтийг хянаж байна.
Таймс сонины сурвалжлагийн явцад Конго дахь кобальт олборлодог 19 уурхайн 15-ыг нь Хятадын компаниуд эзэмшиж, санхүүжүүлдэг ба зарим нь төлбөрөө суутгалгүй, түншүүддээ өгсөн амлалтаасаа буцжээ.
АНУ одоо Австрали, Канад зэрэг холбоотнуудаас кобальтын нийлүүлэлт авахыг шаардаж, гүйцэж түрүүлэхийг хичээж байна гэж энэ талаар мэддэг америкийн үндэсний аюулгүй байдлын ажилтан мэдэгдсэн байна.
Сонирхуулахад, АНУ-ын Ерөнхийлөгч Жо Байдены хүү Хантер Хятадын компанид АНУ-ын компаниас дэлхийн хамгийн баян кобальтын уурхайг худалдан авахад тусалж байжээ.
Б.Бүжлхамаа
www.nytimes.com
