Өнгөрсөн бямба гаригт дэлхийн 200 орчим орны удирдлагууд уур амьсгалын өөрчлөлттэй илүү ихээр тэмцэх гэрээг шинэчлэн байгууллаа.

Глазгоу дахь COP26 дээд хэмжээний уулзалтын үеэр батлагдсан уг гэрээ нь чинээлэг улс орнуудыг хэт дулаарлын аюулаас ядуу үндэстнүүдийг хамгаалах санхүүжилтийг "ядаж хоёр дахин" нэмэгдүүлэхийг уриалав.

Энэхүү гэрээнд мөн бүх улс орнууд үйлдвэржилтийн өмнөх үеийнхтэй харьцуулахад цельсийн 1.5 хэм буюу фаренгейтийн 2.7 хэмээс хэтрэхгүй дулаарахын тулд энэ арван жилд нүүрстөрөгчийн давхар ислийн ялгаруулалтыг хоёр дахин бууруулах шаардлагатай гэж заасан байна. Ингэснээр засгийн газруудад ирэх жил утааг бууруулах илүү хүчтэй төлөвлөгөөтэй буцаж ирэхийг уриалж буй юм.

Мөн энэ нь чулуужсан түлш нүүрсийг хязгаарлах шаардлагатайг тодорхой дурдсан дэлхийн цаг уурын анхны хэлэлцээр боллоо.

Гэвч  энэхүү гэрээгээр хөгжиж буй орнуудад илүү цэвэр эрчим хүч бий болгох, цаг агаарын эрс тэс уур амьсгалыг даван туулахад шаардагдах хөрөнгийн хомсдолыг дорвитой шийдэж чадаагүй байна. Эдгээр цомхотголын ачааг хэрхэн хуваах, улс үндэстнүүдээс ямар арга хэмжээ авах нь тодорхойгүй байна.

Цаашид гэрээний дагуу засгийн газар, корпорацуудад илүү амбицтай арга хэмжээ авах нь зайлшгүй гэдгийг харуулж, иргэний нийгмийн бүлгүүд болон хууль тогтоогчдод илүү цэвэр эрчим хүчний эх үүсвэр рүү шилжих боломжийг олгоно гэж найдаж байна.

Б.Бүжлхамаа

www.nytimes.com