ОХУ-ын ерөнхийлөгч Владимир Путин өнөөдөр коронавирусийн эсрэг вакцинжуулалтад хамрагдана гэж мэдээлжээ. 

Тэрээр “Вакцинжуулалтад хамрагдах эсэх нь хүн бүрийн хувийн шийдвэр, сонголт байх ёстой. Би өөрөө маргааш вакцин тариулах төлөвлөгөөтэй байна” гэжээ.

Ерөнхийлөгч Путин ОХУ-д бүтээсэн гурван төрлийн вакцинаас нэгийг нь сонгож тариулах тухай Кремлийн хэвлэлийн төлөөлөгч Дмитрий Песков сүүлд мэдээлсэн байна. Харин аль вакциныг сонгосон тухай одоогоор мэдээллэгүй байна.

Мөн ОХУ-ын ерөнхийлөгчийг вакцинжуулах үйл явц хэвлэл мэдээллийнхэнд хаалттай зохион байгуулагдахыг мэдэгджээ.