Хятадын шүүх нөхрүүдэд гэр бүл салах тохиолдолд эхнэртээ " гэр бүл болсноос хойших таван жилийн турш хийсэн гэрийн ажлын нөхөн төлбөр" олгох шийдвэр гаргажээ. Нөхөн төлбөрт 7700 гаруй доллар олгох аж.

Ингэснээр Хятадад эмэгтэйчүүдийг илүү их хамгаалалтад авах болно гэж мэргэжилтнүүд үзэж байна.

Бээжингийн шүүх энэ долоо хоногт гэрийн ажил "биет бус үнэ цэнэ" агуулдаг тул хөрөнгийг нь тооцох ёстой бөгөөд нөхөр нь эхнэртээ нөхөн төлбөр өгөх үүрэгтэй гэжээ.

Энэхүү шийдвэр нь нийгэмд эмэгтэйчүүдийг гэртээ хийж гүйцэтгэсэн ажлыг нь хүлээн зөвшөөрөх, тэдэнд нөхөн олговор олгохын тулд нийгэм илүү их зүйл хийх ёстой эсэх талаар дэлхий нийтийн маргаантай байгаа үед давхцаж гарсан шийдвэр байлаа. 

Судалгаанаас харахад олон оронд эмэгтэйчүүд өрхийн хөдөлмөрийн харьцаанд давангайлдаг тул тэдний хүсэл эрмэлзэл, ажил мэргэжлийн боломжид саад болдог.

Хятадад зарим тоймчид энэ хэргийг нээлт боллоо гэж сайшааж байхад олон хүн нөхөн олговрын хэмжээ хангалтгүй байна хэмээж, Хятадад бүтэн цагийн асрагч нар илүү их мөнгө олж байгааг тэмдэглэв.

Weibo сайт дээр блог хөтөлдөг нэгэн хэрэглэгч "Энэ нь эмэгтэйчүүдэд маш шударга бус байна" гэж бичжээ. Энэ хэргийн талаархи hashtag-ийг Лхагва гаригийн байдлаар 570 сая гаруй удаа үзсэн байна. 

Хятадад эмэгтэйчүүд өдөрт дунджаар хоёр цаг зургаан минут гэрийн ажил хийдэг бол эрэгтэйчүүд 45 минут хийдэг гэж Хятадын Статистикийн үндэсний газраас мэдээлжээ.

Хятад дахь жендэрийн тэгш байдлыг өмгөөлөгчид энэ шийдвэр нь гэр бүлийг удирдахад эмэгтэйчүүдийн гүйцэтгэх үүрэг роль чухал гэдгийг баталж байна гэжээ. Гэхдээ энэ шийдвэр нь Хятадад эмэгтэйчүүдэд хандах хандлагыг илүү өргөн хүрээнд өөрчлөх эсэхийг харах л үлдлээ гэв.

Б.Бүжлхамаа

www.nytimes.com