Илон Маск өөрийн хоёр компанийн төв байрыг Калифорнигаас Техаст шилжүүлнэ гэж мэдэгдлээ. Тус мужийн засаг захиргаа Жендерийн адилтгалын тухай хууль баталсны дараа тэрбумтан ийм шийдвэр гаргалаа гэж ВВС бичжээ.
Уг хуулиар, сурагчид нь хүйсээ солиулж буйг эцэг эхэд нь мэдээлэхгүй байх үүргийг сургуулиудад өгчээ.
Маск мэдэгдсэнээр, ийм хууль нь эцэг эхийн эрхийг бөөнөөр зөрчсөн ба хүүхдүүдийг эргэж буцаашгүй хохирлын эрсдэлд оруулна гэжээ. Тиймээс тэр SpaceX ба X компаниудынхаа төв байрыг Техаст нүүлгэхээр болоод байна.
Энэ асуудал нь түүний хувийн шалтгааныг хөндлөө. Түүний охин Вивиан Дженна Уилсон трансгендер. Үүний өмнө охин нь хүйсээ солиулсны дараа өөрийн биологийн эцгээс холбоогоо тасалж буйгаа зарласан юм.
Маск энэ жил Делавер мужийн эрх баригчидтай зөрөлдөөд тэнд SpaceX ба Neuralink компаниа нүүлгэсэн байгаа. Тэрбумтан мөн түүнчлэн Tesla компаниа Техаст авчрах бодолтой байна.
