Өмнөд Солонгосын Засгийн газраас Монгол, Вьетнам, Филиппин, Индонез улсын тав ба түүнээс дээш тоотой бүлэг жуулчдад 30 хүртэл хоногийн хугацаанд визгүй зорчих эрх олгохоор болжээ. Энэхүү шийдвэр Зургаадугаар сарын 1-нээс эхлэх юм байна.
Ингэхдээ зөвхөн Яньян (Yangyang) олон улсын нисэх буудлаар ирсэн жуулчдад энэ нөхцөл хүчинтэй байх аж. Яньян нь БНСУ-ын зүүн хойд Ганвон мужийн Яньян дүүрэгт оршдог жижиг нисэх буудал юм.
Мөн Жэжү арлын олон улсын нисэх буудлыг Зургаадугаар сарын 1-ний өдрөөс эхлэн гадаадын жуулчдад үүдээ нээхээр болжээ.
