Дэлхийн хамгийн хатуу хар тамхины хуультай гэгдэх Сингапур улс Малайзын 34 настай иргэнийг цаазаллаа.

34 настай Нагаентран Дармалингамыг дүүжлэн цаазалсан бөгөөд түүнийг Сингапур руу 1.5 унци героин хууль бусаар хил нэвтрүүлсэн хэргээр буруутгасан байсан юм.

Хэрэгтний өмгөөлөгч болон хүний эрхийг хамгаалах байгууллагууд түүнийг оюуны хомсдолтой тул өршөөх хэрэгтэй гэж мэдэгдэж байжээ.

I.Q нь 69-тэй Нагантран нь өөрийнхөө үйлдлийг бүрэн ойлгох чадваргүй байсан бөгөөд хар тамхи авч явахыг албадсан гэж мэдүүлж байсан байна.

Сингапур улс цаазын ял нь хар тамхины хууль бус наймааг таслан зогсоох хүчин зүйл гэж үздэг байна.  НҮБ-ын Хүний эрхийн дээд комиссар Сингапурт цаазаар авах ялын тоо нэмэгдэж байгаад "гүн түгшиж" байгаагаа мэдэгджээ.

Мэдэгдэлд, "Хар тамхитай холбоотой гэмт хэрэгт цаазаар авах ял хэрэглэх нь олон улсын хүний ​​эрхийн хуультай нийцэхгүй байна" гэж дурьджээ.

Энэ хэрэг олон улсын анхаарлыг татаж, нийгмийн олон төлөөлөл цаазаар авах ялыг зогсоохыг уриалав. 

Б.Бүжлхамаа

www.nytimes.com