Украины зүүн хэсэгт байлдааны ажиллагаа ширүүсч байгаа энэ үед Орос болон Барууны орнуудын аль аль нь гацаанд орж, хэл ам дагуулж байна.

Мягмар гаригт Пентагоны дээд албан тушаалтан АНУ-ын дайн дахь зорилго бол “сул дорой Орос” гэж хэлснээс хойш нэг өдрийн дараа Герман анх удаа Украинд хүнд зэвсэг илгээх болсноо зарласан.

АНУ 40 гаруй холбоотноо нэгтгэн Киевт цэргийн дэмжлэг үзүүлэхээ амласан.

Үүний хариуд Москва Барууны орнуудыг прокси дайн явуулж, цөмийн мөргөлдөөн болж хувирах “их” эрсдэлийг үл тоомсорлож байна гэж буруутгав.  

Герман Украин руу агаарын довтолгооноос хамгаалах зэвсгээр тоноглосон 50 ширхэг Gepard танкийг илгээнэ. Энэ алхам нь бодлогын томоохон өөрчлөлт юм. Өнгөрсөн долоо хоногт Канцлер Олаф Шольц энэ нь НАТО-г хамарсан томоохон дайнд хүргэж болзошгүй гэж хэлж байсан билээ.

Европ цөмийн эрчим хүчнээс удаан хугацаагаар хөндийрсөн нь Оросын газрын тос, байгалийн хийнээс хамааралтай байдлаа зогсооход хэцүү болгож байна. Хараат бус болоход олон жил шаардагдах бөгөөд АНУ-ын газрын тосны компаниуд хүнд байдлаас гарахын тулд алхам хийхгүй байна.

Б.Бүжлхамаа

www.nytimes.com