Финлянд, Швед улсууд ойрын долоо хоногт НАТО-д гишүүнээр элсэх хүсэлт гаргах эсэхээ хэлэлцэж байна. Олон жил төвийг сахисан тус улсуудын хувьд ийн НАТО-д нэгдэх төлөвтэй байгаа нь ОХУ-ын Ерөнхийлөгч Владимир Путиний түрэмгийлэл Украинд хэрхэн сөрөг үр дагавар авчирсантай ихээхэн холбоотой.

Энэ үйлдлийн дүнд Украины үндсэрхэг үзлийг дарах оролдлого улам дэврэх байх. Мөн НАТО-г хувааж, өсөлтийг нь хаахын оронд улам тэдэнтэй нэгдэж, хүрээг нь томруулчихаж магадгүй.

Эвсэлд үл нэгдэх Нордикийн хоёр улсын ерөнхий сайд нар өнөөдөр Стокгольм хотноо хэвлэлийн бага хурал хийж, Финландын удирдагч шийдвэрээ "долоо хоногийн дотор" гаргах боломжтой гэж мэдэгджээ.

Энэ хооронд Польш, Литва, Латви, Эстони улсын ерөнхийлөгч нар лхагва гаригт Украинд айлчилж, мөрдөн байцаагчид Киевийн гаднах Оросын харгис хэрцгий байдлын талаарх нотлох баримтыг цуглуулах ажлыг эрчимжүүлэв. Европын Аюулгүй байдал, Хамтын Ажиллагааны Байгууллагын анхны тайланд Оросын арми олон улсын хууль тогтоомжийг зөрчсөн "тодорхой хэв маяг"-ыг илрүүлжээ.

Б.Бүжлхамаа

www,nytimes.com