Америкийн кино академи жүжигчин Уилл Смитийг Оскарын шагнал гардуулах ёслол болон академиас зохион байгуулдаг үйл ажиллагаанд 10 жилийн турш оролцох эрхгүй болгох шийдвэр гаргалаа.
Түүнийг өнгөрсөн сард болсон академийн шагнал гардуулах ёслолын үеэр жүжигчин Крис Рокийг алгадаж, бухимдлаа илэрхийлсний төлөө ийм шийтгэл оногдуулж байгаа аж.
Уилл Смит энэхүү үйлдэлдээ уучлалт гуйсан боловч хангалтгүй гэж дээрх шийдвэрийг академийн цахим хурлын үеэр гаргасан байна. Тус байгууллагын шийдвэр 2022 оны Дөрөвдүгээр сарын 8-ны өдрөөс хэрэгжиж эхэлжээ.
Ингэснээр жүжигчин Уилл Смит Оскарын наадамд нэр дэвших уран бүтээлчдэд санал өгөх боломжгүй болж байна.
Дашрамд, түүний энэ үйлдлийг сэтгэцийн эмч Мелисса ДеБосе Хэнкинс "Шийдэгдээгүй сэтгэлийн гэмтлээс үүдэлтэй ХАРИУ ҮЙЛДЭЛ юм" хэмээн дүгнэсэн талаар бид орчуулан хүргэж байсан билээ.
