Индонезид хүн ам шигүү суурьшсан Ява арал дээр байрлах хамгийн дэгдэмхий галт уул хөдөлж, утаа, үнс агаарт цацаж, дэлбэрчээ.
Мерапи уул ням гаригт дор хаяж долоон удаа халуун үнсний үүл, чулуулаг, хог хаягдал, лаав, хий холилдсон цуврал пирокластик урсгалыг гаргалаа гэж Йогякарта хотын Галт уул судлал, геологийн Эрсдэлийг бууруулах төвийг толгойлдог Ханик Хумаида хэлэв.
Галт уулын харангадах чимээ хэдэн километрийн цаанаас ч сонсогдов. Одоогоор хүний амь нас эрсдээгүй байна.
Тус ууланд сүүлийн хэдэн долоо хоногт галт уулын идэвхжил нэмэгдсэн бөгөөд лаавын бөмбөгөр нь ням гаригт хэсэгчлэн нурахаас өмнө хурдацтай идэвхжиж, галт уулын баруун өмнөд хэсгээр чулуу, үнс асгарч байна гэж Хумаида нэмж хэлэв.
Галт уулын дэлбэрэлтийн улмаас гарсан үнс хэд хэдэн тосгон, ойролцоох хотуудыг бүрхжээ.
Б.Бүжлхамаа
