Амьсгалын замын хурц халдварт өвчинд, тухайлбал хатгаанд хүргэх Mycoplasma pneumoniae нянгаар өвчлөх тохиолдол Германд нэмэгдэж байгааг Focus сайт дамжуулжээ. Гамбург зэргийн зарим хотод өвчин хүндэрсэн тохиолдлууд 16 хүртэлх насны хүүхдүүдэд бүртгэгдээд эхэлснийг онцолсон байна.

Энэ ердийн бус хатгаа хүүхэд болон 16 хүртэлх өсвөр үеийнхэнд ажиглагдаж байгаа ба харин уушгийг агааржуулан цэвэрлэх шаардлага гарсангүй. Гэхдээ хэвлэлд тодорхой статистикийг эмч нар харин өгсөнгүй.

Үүний өмнө Хятадад ийм хатгааны тохиолдол нэмэгдсэнийг барууны хэвлэлээр товойлгон шуугисан юм. Хятадын Ариун цэвэр, эрүүлийг хамгаалах улсын хорооны албан ёсны төлөөлөгч Ми Фэн хэлснээр, энэ нь амьсгалын замын халдварт өвчнүүдийн янз бүрийн төрлүүд давхардаж эхэлсэнтэй холбоотой гэжээ. Өвчлөлтийн тоо нэмэгдэж байгаа ч шинэ цар тахал эхлэсэн аюул гэж үзэх үндэслэлгүйг ДЭМБ болон эмч нар хэлж байна.

М.ЦОГТ