Католик шашны тэргүүн Ромын пап Франциск өнгөрсөн хоёрдугаар сард Монгол улсад айлчлах бодолтой байгаагаа илэрхийлж байв. Энэ нь түүний Монгол улсад хийх анхны айлчлал юм.
Тэгвэл өнгөрсөн баасан гаригт Францискийн гадаад аяллыг хариуцдаг ажилтан Италийн агаарын тээврийн компанийн ажилтнуудтай уулзахдаа энэ талаар дахин мэдэгдсэн байна.
Ромын пап Франциск “Хэрвээ бурхан болгоовол би хоёр долоо хоногийн хугацаатай 41 дэх мөргөлийн аяллаа Унгараас эхэлнэ. Дараа нь Марсель, дараа нь Монголд очих болно” гэжээ.
Ватиканы сайтад мэдээлснээр Монгол улсад одоо 1,300 орчим католик шашинтан байдаг гэнэ. Ромын пап 1922 онд анх Монголд элчээ томилж байсан ч коммунист засаглалын дарамт шахалтын улмаас үйл ажиллагаагаа явуулж чадалгүй 1992 он хүрсэн тухай мөн нийтэлжээ.
Есдүгээр сарын 23-ны өдөр Францын өмнөд эргийн Марсель хотод айлчилсныхаа дараа пап шууд Монголыг зорих юм байна.
