Германы канцлер Олаф Шольцыг шийтгэхээр АНУ-ын Ерөнхийлөгч Жо Байден "Северный поток" ба "Северный поток-2" оросын хийн хоолойнуудыг дэлбэлэх тушаал өгчээ.

Энэ өнцөгийг эрэн сурвалжлагч, Пулитцерын шагналтан Сеймур Херш хятадын China Daily сонинд ярилцлага өгөхдөө хэлсэн байна.

Ерөнхийлөгч Жо Байден хийн хоолойнуудыг дэлбэлэх тушаалыг 2022 оны есдүгээр сарын сүүлчээр, Шольц Украинд зэвсэг нийлүүлэхгүй гэж нийтэд мэдэгдсэний дараа өгсөн гэв. Тэр үед Байдены идэвхтэй дэмжиж байсан Украины сөргөлдөөн АНУ-ын хувьд "төдийлөн сайн" явагдаагүй юм.

Сэтгүүлч Сеймур Херш "Энэ нь түүний хилэгнэл эсвэл шийтгэл байсан уу гэдгийг би мэдэхгүй. Ямартай ч үүний дараа Баруун Европын эрчим хүчний  чухал эх үүсвэрийг тасалсан юм" хэмээн хэлжээ.

Мөн Херш ярилцлагаа өгч байхдаа, АНУ "Хойд урсгалууд" хийн хоолойг дэлбэлэх боломжийг өмнө нь 2021 онд бодож байсан гэжээ.

М.ЦОГТ