Нэнси Рейган, Леди Бёрд Жонсон, Хиллари Клинтон, Розалин Картер, Бетти Форд, Барбара Буш
АНУ-ын зургаан тэргүүн хатагтай нарын уулзалт буюу ХХ зууны он жилүүдийн бүсгүйчүүд багтжээ. Хэн дутуу байв...?
Дээрх гэрэл зураг дахь хатагтай нар: Нэнси Рейган, Леди Бёрд Жонсон, Хиллари Клинтон, Розалин Картер, Бетти Форд, Барбара Буш нарыг ХХ зууны он жилүүдэд АНУ-ын тэргүүн хатагтай байсан нь нэгтгэжээ.
"Америкийн тэргүүн хатагтай нарт зориулсан гала үдэшлэг" /National Garden Gala, A Tribute to America's First Ladies/ дээр 1994 оны тавдугаар сарын 11-нд энэ зургийг авсан ба тэр үед амьд сэрүүн байсан долоон тэргүүн хатагтай нарын зургаа нь Колумбия тойргийн Вашингтон хотын АНУ-ын Ботаникийн цэцэрлэгт хүрээлэнгийн үндэсний цэцэрлэгийн албан ёсны нээлтэд оролцжээ. Шинэ цэцэрлэг нь тус улсын тэргүүн хатагтай нарын ололт амжилтын хүндэтгэл болгон нээгдсэн юм.
Албан ёсны арга хэмжээнд оролцоогүй долоо дахь тэргүүн хатагтай нь хэн бэ? Зурагт АНУ-ын 35 дахь Ерөнхийлөгч Жон Фицжеральд Кеннедийн бэлбэсэн эхнэр Жаклин Ли Бувье Кеннеди Онассис ороогүй. Тэр өдөр Кеннеди Онассис өвчтэй байсан учир хүрлцэн ирж чадаагүй байна. Энэ зураг авснаас хойш долоо хоногийн дараа тэр өөд болжээ.
М.ЦОГТ
