Орос улс Беларусь дахь цэргийн хамтарсан сургуулилтаа өргөжүүлж байна.

Ням гаригт Беларусийн Витебск хотод Оросын цэргүүд олноороо буюу 1400-1600 цэрэг хүрэлцэн ирсэн тухай албан бус Telegram сувгууд мэдээллээ. Ройтерс энэ мэдээллийг баталж чадаагүй ч Орос, Беларусь цэргийн сургуулилтдаа зэвсэг, цэрэг нэмсэн, Украин дахь дайнд Оросын туршлагаас тулгуурласан сургуулилт хийж байна гэж мэдээлэв.

Энэ бүхэн нь Орос хойд зүгээс цэргийн шинэ цохилт хийхээр төлөвлөж байна гэсэн болгоомжлолыг улам нэмэгдүүлнэ. Беларусийн удирдагч Александр Лукашенко Беларусь дайнд нэгдэхгүй гэж мэдэгдсэн ч тус улсыг өмнө нь Путин дайндаа ашиглаж байсан. Тухайн үед төлөвлөгөө нь амжилтгүй болсон нь Путин дахин оролдохгүй гэсэн үг биш юм.

Өнгөрсөн сард ОХУ-ын Ерөнхийлөгч В.Путин Минск хотод Лукашенкод бараалхах үеэр Лукашенко “Бид хоёр бол энэ дэлхий дээрх хамгийн хор хөнөөлтэй, хамгийн хортой хүмүүс юм. Бидэнд ганцхан маргаан бий: хэн нь илүү вэ? Владимир Владимирович үүнийг би гэж хэлсэн. Би түүнийг гэж бас аль хэдийн бодож эхэлсэн. Гэхдээ нэгэнт бид хамтдаа байгаа цагт одоо энэ тийм ч чухал биш гэж шийдсэн" хэмээжээ. 

Шинэ жилийн баярын үеэр олон арван Оросын цэргүүдийн аминд хүрсэн халдлагын хариуд Украины зүүн нутгийн Краматорск хотод “бөөн пуужингийн цохилт”-ын үеэр Украины 600 цэргийн албан хаагчийг устгасан гэж Орос мөн мэдэгдэв.

Гэсэн хэдий ч энэ цохилтын талаар ямар ч нотлох баримт гаргаж чадаагүй бөгөөд Украины арми уг мэдэгдлийг "Оросын суртал ухуулгын бас нэг хэсэг" гэж үзэн Украины амжилттай цохилтод хүчтэй хариу үзүүлэх гэсэн оролдлого гэж үзжээ.

Ройтерс агентлагийн сурвалжлагч хэлэхдээ, пуужингийн довтолгоо үнэн хэрэгтээ зорилтоо алдсан бөгөөд "хохирсон шинж тэмдэг илрээгүй" гэжээ.

Б.Бүжлхамаа