Английн онлайн-толь бичиг Dictionary.com өнгөрч буй оны үгээр "эмэгтэй хүн" буюу "Woman" гэсэн үгийг оны онцлох болсныг мэдээлжээ.

"Энэ нь англи хэлний эртний үг бөгөөд тэр нь манай толь бичигт төдийгүй бид бүхэнд чухал. Энэ үг нь хувь чанараараа хүчтэй эх сурвалж юм. Энэ үг нь 2022 оны түүхнээс салшгүй холбоотой" гэж тус сайт сонголтоо талбарлажээ.

Өнгөрч буй онд “эмэгтэй” гэсэн үгийн эрэл хайлт 1400 хувиар нэмэгдсэн нь ийм их тархсан үгний хувьд ховорхон тохиолдол боллоо.

АНУ-ын сенатор Марша Блэкберн АНУ-ын Дээд шүүхийн анхны хар арьстан эмэгтэй Кетанжи Браун Жексоноос “эмэгтэй хүн” гэсэн үгийг тодорхойлж өгөхийг хүссэн байв. Тэр нь үгийн хайлтыг нэмэгдүүлсэн нэг шалтгаан болжээ. 

Үүнээс өмнө, арванхоёрдугаар сарын 5-нд Оксфордын толь бичиг “Гоблины дэглэм” үгийг энэ жилийн үг гэж нэрлэсэн байна. Шинжээчид “Гоблины дэглэм”  гэсэн үгийг нийгмийн хэм хэмжээг үл огоорсон “өөрийн хүсэл, залхуурал, ховдоглолыг ичгүүргүйгээр өөгшөөсөн” утгатай гэж тайлбарласан юм.

М.ЦОГТ