Германы Ганноверын засаг захиргаа Европын комиссийн тэргүүн Урсула фон дер Ляйены пони морийг "идсэн" чоныг буудан устгахаар болсон байна.
"Ганновер гэрийн тэжээмэл олон амьтаныг барьж идсэн гэх чоныг устгах лицензийг өгчээ" гэж Bild сонинд өгүүлжээ.
Оны эхнээс энэ махчинд баригдсан амьтдын тоонд ЕК-ийн тэргүүний 30 настай пони морь орсон ба нийт 13 малыг барьж иджээ. Хожим явагдсан ДНК-ийн шинжилгээнд тэр чоно л малыг барьсан нь тогтоогдсон байна.
Чоныг устгах лиценз нь ирэх оны арванхоёрдугаар сарын 31-н хүртэл хүчинтэй гэнэ.
М.ЦОГТ
