Өнгөрсөн амралтын өдрүүдээр дэлхий нийтийн хоёр фаворит, хоёр андердог багууд дараагийн шатанд шалгарлаа. Энэ долоо хоногт дөрвөн улс дэлхийн аварга шалгаруулах тэмцээний хагас шигшээд өрсөлдөх юм. Маргааш Аргентин Хорваттай, лхагва гаригт Франц Мароккотой тоглох хувиартай байна.

Аргентиныг энэ дэлхийн аваргад түрүүлэх нь Лионель Мессигийн аугаа хувь тавилан гэдэгт фанатууд нь итгэдэг. Гэвч Хорватын шигшээ багийн хувьд гол өрсөлдөгч Бразилийг хожсоны дараа өөрийн гэсэн бат зорилготой байгааг бүгд харж байна.

Харин Франц урагшлахын тулд Английн шигшээг буулгаж авав. Марокко Португалийг ялж, Африк, Арабын ертөнцөөс хагас шигшээд шалгарсан анхны улс боллоо. 

Товч мэдээ: 

• Тэмцээн зохион байгуулагч Катарын хувьд Европын эрчим хүчний чухал эх үүсвэр болоход бэлэн байна.
• Бельгийн эрх баригчид Катар улсаас авлига авсан байж болзошгүй хэмээн мөрдөн байцаалтын явцад Европын парламентын одоогийн болон хуучин гишүүд зэрэг таван хүнийг баривчилжээ.
• Хөлбөмбөгийн сэтгүүлч Грант Вал Аргентины шигшээ багийн тоглолтын үеэр ухаан алдаж нас баржээ.

Б.Бүжлхамаа