ТикТок нь нэгэн цагт вируст бүжгийн видео, поп дуунуудаараа алдартай байсан. Харин одоо энэ платформ дижитал зар сурталчилгааны хэрэгсэл болжээ.

Хэдийгээр дэлхийн эдийн засгийн удаашралын үед дижитал зар сурталчилгааны борлуулалт эрс буурсан ч ТикТок энэ жил бараг 10 тэрбум долларын зар сурталчилгааны орлого олох төлөвтэй байна. Энэ нь 2021 оны нийт дүнгээс хоёр дахин их байгаа аж.

Хэдийгээр зах зээлийн хүчнээс дархлаагүй ч ТикТок өрсөлдөгчдөөсөө бизнесийг нь хулгайлж байгаа бололтой. Google болон Meta-тай харьцуулахад бизнес нь бага хэвээр байгаа ч зар сурталчилгааны орлого нь Twitter, Snap-ийг гүйцэх төлөвтэй байна. Энэхүү аппликейшн нь зар сурталчилгааг байгалийн мэт харагдуулахын тулд контент бүтээгчидтэй хамтран ажиллахад брэндүүдийг уриалсан.

Тэд "Зар бүү хий, TikTok л хийгээрэй" гэж брэндүүдэд хэлдэг болсон байна.

TikTok-ын хэрэглэгчид өдөрт дунджаар 96 минутыг аппликэйшн дээр зарцуулдаг нь Twitter-т зарцуулдаг хугацаанаас гурав дахин, Facebook, Instagram-аас хоёр дахин их байна.

Энэ зуур Амазон корпорацийн болон технологийн чиглэлээр ажилладаг ойролцоогоор 10,000 ажилтнаа цомхотгохоор төлөвлөж байгаа бол Элон Маск ажилчдаа долоо хоногт 40 цаг ажлын байран дээрээ байхыг шаарджээ.

Б.Бүжлхамаа