Америкийн хэвлэлүүд Пентагоны нэрээ нууцалсан нэгэн албан тушаалтны ярьсан Украин дахь их буучдын тэмцлийн талаарх мэдээллийг нийтэлжээ.

Украин, Оросын армийн их бууны сумын өдөр тутмын хэрэглээний тоог тэр гаргасан байна.

Украинчууд өдөрт 4000 - 7000 сумыг буудаж байгаа бол Оросууд 20 мянга орчмыг буудаж байна гэж ярихдаа Украинд түнш орнууд нь сумных нь нөөцийг цагт нь нөхөн гүйцээж чадахгүй байгаа талаар хэлжээ. 

Үүний зэрэгцээ, Украины цэргийнхэн натогийн их бууны ашиглалтын лимитийг давуулж байгаа нь өмнө ашиглагдаж байсан техникийн элэгдлийг улам нэмэгдүүлэн тэдний жагсаалаас гаргаж байна.

Их буунууд нийлүүлэгдсэнээс 2 - 3 долоо хоногийн дараа засварт орохоор болж байна.

Цэргийн мэргэжилтний хэлснээр, тун удалгүй цаг агаарын байдал фронтыг тогтворжуулаад ирэх хавраас шинэ тулалдаан хүчээ авна гэлээ. Харин Херсон хотын хувь заяа ойрын арваад хоногт шийдэгдэх гэнэ. Гэхдээ америкийн албаны хүмүүс Украины арми зорилгоо биелүүлэн Крымын хойгийг оролцуулаад бүх эзлэгдсэн нутгаас Оросын армийг шахна гэдэгт итгэхгүй байна.

М.ЦОГТ