"Вашингтон Кэпиталз" клубын довтлогч Александр Овечкин НХЛ-ын аваргын тогтмол  тэмцээний  ээлжит  тоглолтыг "Нэшвилл" клубын талбайд хийх үеэр хоосон хаалганд гоол оруулж багтаа ялалт авчирсан төдийгүй ийм үзүүлэлтийн 30 шайбтай Уэйн Грецкийн дээд амжилтыг эвдлээ.

Stats Centre-ийн мэдээлснээр, 37 настай орос довтлогчийн харийн талбайд хоосон хаалганд оруулсан гоолын 31 дэх нь энэ байлаа. Ингээд Овечкин энэ үзүүлэлтээр НХЛ-ийн дээд амжилтын эзэн болов.

Энэ тоглолтын улирлын есөн тоглолтод тэр долоон оноо аваад байна.

Аравдугаар сарын 25-нд тэр НХЛ-ын аваргын тогтмол тэмцээний лигийн тоглолтдоо 122 дахь ялалтын шайбыг "Нью-Жерси Девилз" багийн хаалганд оруулан өөрийн хувьд дээд амжилт тогтоов.

Одоогоор түүний карьертаа авсан гоол + дамжуулалтын нийт оноо нь 1416 болоод байна.

Мөн аравдугаар сарын 27-нд Москвад Александр Овечкины нэрэмжит хоккейн олон улсын академийг босгохоор шийдсэн нь тодорхой болжээ. Өргөн хүрээний хөрөнгө оруулалтаар босох тэр мөсөн цогцолбор нь нийт 43 мянган  кв.м талбайг эзлэх гэнэ.

М.ЦОГТ