Vortexa компанийн шинжээчид энэ жилийн аравдугаар сард ОХУ Энэтхэгт нефть нийлүүлэлтээр хуучин лидерүүд болох Ирак, Саудын Арабыг ардаа орхин хамгийн том нийлүүлэгч нь боллоо хэмээн мэдээлжээ.
Шинжээчид хэлж буйгаар ОХУ Энэтхэгт 946 мянган баррель нефть нийлүүлсэн нь сарын хамгийн өндөр үзүүлэлт буюу Энэтхэгийн түүхий нефтийн импортын 22 хувт болсон бол Иракийн хувь 20,5 хувь, Саудын Арабын 16 хувийг эзэлжээ.
Энэтхэгийн авсан түүхий нефтийн хэмжээ нь аравдугаар сард өмнөх сарынхаасаа 5 хувиар, Оросын импорт 8 хувиар нэмэгдсэн байна.
Гэхдээ Оросын нефтийн импорт ирэх арванхоёрдугаар сард барууны зүгээс орос нефтийн үнийн хязгаарлалт хийх үед буурна гэсэн санааг шинжээчид илэрхийлэв.
Б.Бүжлхамаа
