АНУ-д өргөн хэрэглээний барааны үнэ таамаглаж байснаас хамаагүй хурдан өссөн нь сүүлийн 40 жилийн хугацаан дахь хамгийн хурдацтай өсөлт болов. Энэхүү байдал үнийн өсөлтийг хяналтандаа байлгахыг хичээж байгаа Холбооны нөөцийн сангынхны голыг зурж байгаа аж.

Есдүгээр сар хүртэлх хугацаанд нийт инфляци 8.2 хувиар өссөн нь зарим эдийн засагчдын таамаглаж байснаас давжээ. Энэ нь энэ жилийн үндсэн индексийн хувьд шинэ дээд үзүүлэлт бөгөөд 1982 оноос хойших хамгийн хурдан өсөлт юм.

Холбооны нөөцийн сангийн ажилтнууд өсөлтийн тоонуудыг анхааралтай ажиглаж байгаа бөгөөд энэ нь үнэ бодит цаг хугацаанд хэрхэн өөрчлөгдөж байгааг илүү тодорхой харуулж байгаа юм. Мөн тэд санаа зовох илүү олон шалтгааныг санал болгожээ. Есдүгээр сард нийт инфляци 0.4 хувиар өссөн нь өнгөрсөн сарын 0.1 хувийн өсөлтөөс хамаагүй илүү, суурь индекс 0.6 хувиар өссөн нь өмнөх сарын томоохон өсөлттэй давхцсан байна.

Инфляци ийн урам хугалж байгаа нь завсрын сонгуулийн өмнөх Ардчилсан намынхны хувьд муу мэдээ байх магадлалтай юм.

Мөн Холбооны нөөцийн сангаас бодлогын хүүгээ зургаа дахь удаагаа нэмэх магадлалтай гэж ажиглагдаж байгаа аж. 

Төв банкныхан арваннэгдүгээр сард болох дараагийн хурлаар хүүг нэмэгдүүлэх асуудлыг авч үзэх болно гэдгээ мэдэгджээ.

Б.Бүжлхамаа