ОХУ-ын Ерөнхийлөгч Путин Украиныг Крымийн гүүрийг санаатайгаар дэлбэлж, террорист халдлага үйлдсэн гэж буруутгалаа. 

ОХУ-ын хувьд чухал ач холбогдолтой Крымтэй холбодог Керчийн гүүрэн дээр өнгөрөгч бямба гаригт ачааны машин дэлбэрсний улмаас дизель түлштэй долоон галт тэрэг дэлбэрч гүүр зарим хэсэгтээ нурсан юм.

Гурван хүний амь үрэгдсэн энэ дэлбэрэлтийг Украины тусгай алба үйлдсэн нь эргэлзээгүй гэж үзэж байгаагаа Владимир Путин хэргийг мөрдөн шалгах ажлын хэсгийн дарга Александр Бастрыкинтай уулзах үеэрээ хэлжээ.

Харин Украин улс Крымийн гүүр дэлбэрсэн хэрэгт огт холбоогүй гэдгээ мэдэгдээд байна. Украины Ерөнхийлөгчийн зөвлөх Михаил Подолякин Путины мэдэгдлийг эрс няцааж “Зөвхөн нэг л террорист орон байгаа, тэрийг нь дэлхий нийт бүгд мэднэ” гэжээ.

Европтоо хамгийн уртад тооцогдох 19 км урттай Керчийн гүүр нь 2018 онд нээлтээ хийсэн бөгөөд Украины өмнөд хэсэгт байрлах Оросын цэргийн хүчний хангамжийн чухал замд тооцогддож байсан юм.

Дэлбэрэлтийн дараа гүүрний зарим хэсгийн хөдөлгөөнийг сэргээгээд байгаа аж.