Хэрэв та АНУ-Хятадын харилцаа улам хурцадна гэж бодож байгаа бол дахиад нэг бодоод үзээрэй.
Вашингтон Бээжинг Тайванийг довтлохоос сэргийлэхийн тулд хориг арга хэмжээ авч, Европын Холбоог дагахыг уриалж байна гэж шуугиж байна.
Одоогоор тодорхой мэдээлэл байхгүй ч уг шуугиан нь наймдугаар сарын эхээр АНУ-ын Төлөөлөгчдийн танхимын дарга Нэнси Пелоси Тайпейд айлчилснаас хойш өөрийгөө захирдаг арлын ойролцоо "булчингаа чангалж" буй Хятадын армид чиглэсэн байх магадлалтай.
Ийм алхам нь АНУ болон түүний холбоотнууд Украиныг эзлэн түрэмгийлснийх нь төлөө ОХУ-д маш өндөр үнэ төлөх болно гэж анхааруулсантай төстэй юм. Тайвань урьдчилан сэргийлэх хориг арга хэмжээ авахыг сайшаан дэмжиж байгаа бөгөөд Америкчууд болон сүүлд Европчуудыг ч арлыг Хятадын түрэмгийллээс хамгаалахын тулд илүү ихийг хийхийг уриалсаар байгаа.
Гэхдээ ямартай ч хориг арга хэмжээ ирэх сард "дахин сонгогдох" бөгөөд 2049 онд болох Бүгд найрамдах хувьсгалын 100 жилийн ойн өмнө арлыг эх газартай дахин нэгтгэнэ, шаардлагатай бол хүч хэрэглэхэд ч бэлэн гэж амласан Ши Жиньпинийг бас бухимдуулах нь гарцаагүй. Цагаан ордон энэ тал дээр тайлбар өгөхөөс татгалзаж байгаа ч хориг арга хэмжээний төлөвлөгөө нь АНУ-ын тагнуулынхан Ши Жиньпин Тайваний төлөө тоглолт хийж магадгүй гэж үзэж байгааг илтгэнэ.
Б.Бүжлхамаа
