Хятад улс Африкийн 17 орны өрийг тэглэх болсноо зарлалаа. Энэ арга хэмжээ нь зарим талаараа "өрийн урхины дипломат ажиллагаа" буюу "их гүрэн жижиг орнуудад буцааж төлөхөөс илүү их мөнгө зээлж, тивд халдсан" гэсэн санааг арилгах зорилготой юм.

Цуцлалтаас хэн ашиг хүртэхийг Бээжин тодруулаагүй ч Африкийн хамгийн ядуу орнуудын нэг болох Малавид энэ мэдээг аль хэдийн баяртайгаар тэмдэглээд эхэлчихэв. Малави улсын нөлөө бүхий бие даасан сонин The Nation-ийн нүүр хуудсанд 5.5 тэрбум квача буюу 5.3 сая долларыг цуцалсан нь "Төрийн сан болон эдийн засгийн тоймчдын сэтгэлийг хөдөлгөв" гэж мэдээлжээ.

Нигерийн шинжээчид уг цуцлалт нь улсынхаа нийт зээлийн бараг 4 хувийг арилгах боломжтой гэж тооцоолсон байна.

Хятадын удирдлага өрийн урхинд баригдсан ээдрээтэй түүхтэй тэмцсээр байгаа бөгөөд Африк барууны зээлдүүлэгч нарт илүү их өртэй болохыг харуулсан судалгааг онцолжээ. Цуцлалт нь Хятад улсыг гадаад хэргийн яамны сайдынх нь хэлсэнчлэн "аль ч цаг уурын сайн найз" болохыг нь харуулж байна гэж ашгийн бус Хятад-Дэлхийн өмнөд төслийн хамтран үүсгэн байгуулагч Кобус ван Стаден хэлэв.

Гэхдээ Хятадын цуцлахаар төлөвлөж буй зээл нь тэг хүүтэй зээл бөгөөд Африкт олгосон зээлийнх нь багахан хувийг эзэлдэг гэж ван Стаден нэмж хэлэв. 

Жишээлбэл, Хятадын Африк дахь хамгийн том өртэй Ангол улс Хятадын банкнаас зээл авсан тул ашиг хүртэх магадлал багатай гэж Анголын нийслэл Луанда хотод байрладаг эдийн засагч Франсиско Пауло хэллээ.

Б.Бүжлхамаа