Орос өнгөрсөн долоо хоногт Луганск мужийг эзлэн авсныхаа дараа Украины Донбасс мужийг бүхэлд нь авахаар түрэмгийлэн хөдөллөө. Өнгөрсөн амралтын өдрүүдэд тус бүс нутгийн нөгөө муж болох хөрш зэргэлдээх Донецкийн үндсэн таван хот, сууринг Оросууд бөмбөгдсөн байна.

Донецк хотод Часив Яр тосгоны орон сууцны хороолол Оросын пуужинд оногдож, наад зах нь 15 хүн амь үрэгджээ. Аврах багийнхны мэдээлснээр 20 гаруй хүн, түүний дотор 9 настай хүү дарагдсан хэвээр байна гэв.

Мөн зүүн хойд хэсэгт Оросын арми Харьков мужид дайралт хийжээ. 

Өнгөрсөн долоо хоногт ОХУ иргэний засаг захиргаа байгуулж, өөрийн хяналтад байдаг хилийн бүсэд шинэ туг мандуулсан нь Москва тус нутгийг өөртөө нэгтгэхээр төлөвлөж байгаагийн шинж тэмдэг гэж шинжээчид үзэж байна.

Украины албаныхны мэдээлснээр Орос Харьков мужийн 30 орчим хувийг хэдийнэ эзэлжээ.

Цэрэгт элсүүлэх гэж цөхрөнгөө барсан Орос улс ядуу цөөнхийн бүлгүүдээс шинэ дайчдыг авчрахын тулд тэдэнд мөнгөн урамшуулал амлаж байна.

Б.Бүжлхамаа