Италийн Гадаад хэргийн сайд Луижи ди Майо өөрийн удирдаж байсан популист нам, Ерөнхий сайд Марио Драгигийн эвслийн засгийн газрын хамгийн том хүчин болох Таван Од Хөдөлгөөнөөс салж, Драгиг дэмжих шинэ нам байгуулж байгаагаа зарлалаа. 

“Таван од” хөдөлгөөнийхөн Итали Украиныг дэмжиж буйд эргэлзсэн байр суурь, мөн ди Майо болон намын дарга Жузеппе Конте нарын хоорондын хурцадмал байдал зэрэг нь ийм шийдвэр гаргахад хүргэсэн байна.

Энэ хооронд Конте нам нь Драгитай тууштай байх болно гэж хэлсэн ч энэ нь Италийн баруун жигүүр хэрхэн өөрчлөгдөж байгааг харуулсан саяхны орон нутгийн сонгуулийн дараах хоёр дахь тохиолдол юм.

Орон нутгийн санал асуулгаар Италийн хэт барууны үзэлтнүүдийг ахиулж, одоогийн "эв нэгдлийн засгийн газар"-ын нэг хэсэг биш Италийн ахан дүүс намыг Таван од хөдөлгөөнөөс түрүүлжээ. 

Энэ нь хэт барууны үзэл орон даяар газар авч байгааг нотолсон бол лхагва гаригт ди Майогийн хуваагдал нь баруун төвийн үзэл хэрхэн суларч байгааг харуулж байгаа нь Итали улс 2023 онд болох үндэсний сонгуульд дөхөж очсон энэ үед сонирхолтой динамик болж байна.

Б.Бүжлхамаа