Инстаграм хэрэглэгчдийнхээ насыг хиймэл оюуны системийн тусламжтай шалгах туршилтыг АНУ-д эхлүүлжээ.
Мета компани насанд хүрээгүй хүүхдүүд сошиал сүлжээнээс садар самуун, хүчирхийллийн агуулгатай материалд хандах боломжтой байдаг нь дэлхийн орон орны хууль тогтоогчдын санааг зовоосон асуудал тул дээрх аргыг хэрэгжүүлж эхэлж буйгаа мэдээлсэн байна.
Мөн туршилтын хүрээнд насаа 18-аас доош болон дээш болгон өөрчлөх гэж оролдсон хэрэглэгч бүрээсээ видео селфи илгээхийг шаардах аж. Ингээд хүлээж авсан селфигээ Их Британийн хиймэл оюуны хөгжүүлэлтийн Yoti компанид өгч шалгуулах юм байна.
Yoti компанийн систем селфи видео бичлэгийг шинжлээд тухайн хэрэглэгч насаа зөв тодорхойлсон эсэхийг үнэлэх юм.
Харин хэрэгчдийн мэдээллийг шалгасны дараа илгээсэн селфийг Meta, Yoti платформ дээрээс устгах аж.
