Африк тивийн зарим хэсэгт олон жилийн турш тархаж, эсрэг арга хэмжээ авч удирдаж байсан сармигцны цэцэг вируст өвчин одоо Европ болон АНУ-д ид анхаарлын төвд байна.

Африкийн долоон улс болох Камерун, Төв Африкийн Бүгд Найрамдах Улс, Бүгд Найрамдах Ардчилсан Конго Улс, Либери, Нигери, Бүгд Найрамдах Конго Улс, Сьерра-Леон улсад энэ он гарсаар тус вирусын 1,392 тохиолдол бүртгэгдсэн гэж ДЭМБ мэдээлэв. Эдгээр тохиолдлууд тухайн үедээ хурдан хянагдаж, анхаарал татаагүй.

Африк дахь ДЭМБ-ын тэргүүн доктор Матшидисо Моети "Африк улс өнгөрсөн сармагчингийн дэгдэлтийг амжилттай дарж чадсан бөгөөд вирус болон халдвар дамжих замын талаар бидний мэдэж байгаагаар өвчлөлийн өсөлтийг зогсоох боломжтой" гэж хэлэв.

Сармагчны цэцэг нь анх 1970 онд Африкт илэрсэн. Энэ нь ихэвчлэн хөдөө орон нутагт илэрдэг бөгөөд ихэвчлэн Баруун болон Төв Африкт хязгаарлагддаг. Өнгөрсөн сард Африкийн 21 улсад 260 тохиолдол бүртгэгдсэн нь олон нийтийн анхаарлыг ихэд татжээ.

Вирусын эсрэг шинэ вакцин батлагдсан ч одоогоор өргөн хэрэглэгдэхгүй байна. Доктор Моети үүнийг хүн бүрт хүртээмжтэй болгохын чухлыг онцлон тэмдэглэв. Тэрээр "Бид сармагчны цэцэг өвчний эсрэг хоёр өөр хариу арга хэмжээ авахаас зайлсхийх ёстой: нэг нь одоохондоо мэдэгдэхүйц халдвар авч байгаа барууны орнууд, нөгөө нь Африкт" гэж тэр хэлэв.

Нийгмийн эрүүл мэндийн ажилтнууд вирусын талаар сүүлийн үед анхаарал хандуулах нь ижил хүйстнүүдийн эсрэг хариу үйлдэл үзүүлэхэд хүргэж болзошгүй гэж санаа зовж байна. Хэд хэдэн тохиолдол хачирхалтай байдлаар бүртгэгдсэн бөгөөд НҮБ-аас зарим мэдээллүүд ижил хүйстний үзлийг бататгаж болзошгүй гэсэн болгоомжлолыг төрүүлэв.

Б.Бүжлхамаа

www.who.int