Шанхай эргэн хэвийн байдалдаа орж байгаа иргэд тайвшрал бас түгшүүрийг зэрэг мэдэрч байна. 

Өчигдөр Шанхай тахал эхэлснээс хойш дэлхийн хаана ч байгаагүй хамгийн урт бөгөөд хамгийн хүнд хөл хориогоо хөнгөвчиллөө. Хотын 25 сая оршин суугчдын олонх нь энэ тэрүүгээр сул чөлөөтэй явж болох эрх чөлөөгөө тэмдэглэсэн байна.

Өдрийн цагаар амны хаалт зүүсэн хүмүүс найз нөхөд, хамаатан садантайгаа уулзах, цэцэрлэгт хүрээлэнгээр зугаалах, гудамжаар зугаалах гэх мэт урьд өмнөх энгийн үзэгдэл байсан зүйлүүд шинэ баяр хөөр болон хувирчээ. Үсчид хамгийн их завгүй байв. Харин метроны шугамууд нээлттэй боловч хүн хөл бага байв.

Гэвч ирээдүйн тухай түгшүүр нь хотын бүх иргэдийг сэтгэл бүрэн тэнийхэд саад болж, хөдөлгөөнд зарим томоохон хязгаарлалтууд хэвээр байгаа юм. Хятадын удирдагчид бараг бүх Ковид-19 тохиолдлыг арилгах стратегиа тууштай баримтлахыг шаардсаар байгаа. Шанхай хотын олон оршин суугч, бизнес эрхлэгчид хэвийн байдал руу "яг буцах уу" гэдэг асуултанд ээрэгдэж, энэ байдал хэр удаан үргэлжлэх бол гэдгийг гайхаж байна. 

Оюутан Саммер Ван "Цар тахлын эсрэг арга хэмжээний хор хөнөөл нь вирусын хор хөнөөлөөс ч дор юм шиг санагдаж байна. Хоёр сар түгжигдсэний дараа хүн бүр үнэхээр галзуурч байна" гэв.

Датагаар Шанхай хотод коронавирусийн халдвар Дөрөвдүгээр сарын эхээр өдөр бүр 20,000 гаруй болж өссөн ба одоо хоёр оронтой тоо болж багассан байна.

Вирусын бусад мэдээгээр Элон Маск пуужингийн компани SpaceX болон цахилгаан машин үйлдвэрлэгч Тесла дахь ажилчдаа оффисдоо буцаж ирэхийг шаарджээ.

Б.Бүжлхамаа

www.nytimes.com