Нийгмийн эрүүл мэндийн үндэсний төвөөс баярын өдрүүдэд хоол хүнсээ зөв зохистой бэлтгэж, гараар дамжих халдвараас сэргийлэхийг иргэдэд зөвлөлөө.
Түргэн муудах хүнсний бүтээгдэхүүнийг зөв хадгалах, жимс ногоог ариутгах нь хордлогоос урьдчилан сэргийлэх чухал хүчин зүйл болохыг тус төвийн эрдэм шинжилгээний ажилтан Г.Ганболор онцолжээ.
Анхаарах зүйлс:
- Ходоодонд ачаалал өгөхгүй, хооллолтоо зохицуулах
- Майонезтай салатны араас архи, согтууруулах ундаа хэрэглэхээс зайлсхийх (энэ нь нойр булчирхайн цочмог үрэвслийг үүсгэх эрсдэлтэй)
- Салат, зуушийг тасалгааны температурт 2 цагаас илүү байлгахгүй байх
- Өндөг орсон бүтээгдэхүүнийг хөргөгчийн тохиромжтой температурт хадгалах
- Хоол хүнсийг өдөрт нь шинээр бэлтгэж хэрэглэх
- Түүхий болон болгосон бүтээгдэхүүнийг хөргөгчинд тусад нь хадгалах
- Гампанз, хутгаа мах, ногооны зориулалтаар ялгах
- Булаг, шандны усыг заавал буцалгаж хэрэглэх
- Жимс, ногоог буцалсан усаар сайтар угааж цэвэрлэх
Эдгээр анхааруулгыг мөрдөх нь баярын өдрүүдэд хоолны хордлого, ходоод гэдэсний асуудлаас урьдчилан сэргийлэхэд чухал болохыг мэргэжилтнүүд зөвлөж байна.
Эх сурвалж: Нийгмийн эрүүл мэндийн үндэсний төв.
