“Утааны сонсгол хийцгээе! төсвийн зарцуулалтад хяналт, үнэлгээ хийж, сайжруулцгаая!" цахим өргөдлийн гарын үсгийн тоо өчигдрөөс эрс нэмэгдэж, өнөөдөр  12 цагийн байдлаар 52 437 иргэн оролцоод байгаа тухай өмнө мэдээлсэн.

Өнгөрөгч арваннэгдүгээр сарын 25-нд иргэн Б.Мөнгөнхишиг нийтийн өргөдөл гомдлын системд “Утааны сонсгол хийцгээе! төсвийн зарцуулалтад хяналт, үнэлгээ хийж, сайжруулцгаая!" сэдэвт өргөдлийг үүсгэж иргэдээс гарын үсэг цуглуулж эхэлсэн. Гарын үсэг цуглуулах хугацаа арванхоёрдугаар сарын 27-нд дуусна. Цахим өргөдөлд хамгийн багадаа 70 мянган хүн оролцож, гарын үсгээ зурсны дараа энэ асуудлаар хяналт шалгалт явуулах боломж нээгдэж, сонсголыг явуулна.

Тэгвэл өнөөдөр 13.30 минутад 70 180 иргэн сонсголыг дэмжиж гарын үсэг зурснаар утааны асуудал, түүнд зарцуулсэн төсвийн зарцуулалтад хяналт тавьж, үнэлгээ хийх, УИХ-ын нээлттэй сонсгол хийхээр болов.   

Цахим өргөдөлд гарын үсэг зурах бол ЭНД дарж саналаа өгнө үү.