Төрийн соёрхолт, Монгол Улсын гавьяат жүжигчин Д.Сосорбарамын гэрийн гадаа масктай хүмүүс цуглаж, лайв хийсэн мэдээлэл тараад буй.
Энэ асуудалтай холбогдуулан АН-ын Ерөнхий нарийн бичгийн дарга Ч.Өнөрбаяр 4:11 мэдээлийн үеэр байр сууриа илэрхийллээ.
Тэрээр "Д.Сосорбарам гуайтай холбоотой албан ёсны мэдээлэл байхгүй байна. Гэхдээ сүүлийн үед нэг үзэгдэл гарлаа. Төр засгийг шүүмжилсэн хүмүүсийг хулгайч дээрэмчдээр заналхийлүүлдэг болсон. Хүний эрхийг уландаа гишгэдэг хүмүүсийг хуулийн байгууллага өөгшүүлдэг болоод байна. Сүүлдээ хувийн өмчийг дээрэмдэхийн тулд хүмүүсээр айлгадаг болж байгааг бид хэзээ ч дэмжихгүй. Хулгайч нь хуулийнхаа дээр гарсан байхад энэ улс өөдөлнө гэж байхгүй" гэлээ.
