УИХ-ын чуулганы өнөөдрийн хуралдаанаар 18 асуудал хэлэлцэхээр төлөвлөсөн байна. Үдээс өмнөх хуралдаан 12.40 цагт гишүүдийн 58,3 хувийн ирцтэйгээр эхэлж, зарим хуулийн төслийг эцэслэн батлуулах бэлтгэл хангуулахаар холбогдох байнгын хороодод шилжүүллээ.
Энхийг дэмжих ажиллагаанд оролцох тухай хуулийн шинэчилсэн найруулгын төсөл, Цэргийн алба хаагчийн эрх зүйн байдлын тухай хуульд нэмэлт, өөрчлөлт оруулах тухай хуулийн төсөл, “Татварын суурийг багасгах, ашиг шилжүүлэх явдлаас урьдчилан сэргийлэх зорилгоор татварын гэрээтэй холбоотой арга хэмжээг хэрэгжүүлэх тухай олон талт конвенц”-ыг соёрхон батлах тухай хуулийн төслийн эцсийн хэлэлцүүлгийг хийв.
Мөн Гаалийн тариф, гаалийн татварын тухай хуульд нэмэлт оруулах тухай хуулийн төслийн эцсийн хэлэлцүүлгийг хийж, эцэслэн батлуулах бэлтгэл хангуулахаар холбогдох байнгын хороонд шилжүүллээ.
Үдээс хойших хуралдаан эхлээгүй байна.
